Benefits of (GUDD)

گُڑ (Jaggery) کے قیمتی فوائد جن سے آپ ناواقف ہیں

گُڑ کو انگریزی زبان میں Jaggery کہا جاتا ہے- گُڑ کو گنے کے رس سے تیار کیا جاتا ہے اور آج کے جدید دور میں بھی گُڑ کی تیاری کے لیے روایتی طریقے ہی استعمال کیے جاتے ہیں جو کہ انتہائی مشقت طلب اور کئی گھنٹوں پر محیط ہوتے ہیں- تاہم جتنی محنت گُڑ کی تیاری پر کی جاتی ہے اس سے زیادہ قیمتی اس سے حاصل ہونے والے فوائد ہیں- گُڑ کے قیمتی اور انمول طبی فوائد سے اکثر لوگ لاعلم ہوتے ہیں- ہمارا آج کا آرٹیکل گُڑ کے فوائد پر ہی مشتمل ہے جسے پڑھنا یقیناً آپ کی معلومات میں اضافے کا باعث بنے گا-    Blood Purifier گُڑ میں خون صاف کرنے کی صلاحیت موجود ہوتی ہے اور اس طرح جسم سے زہریلے مادوں کا خاتمہ ہوجاتا ہے- یہی وجہ ہے کہ آپ گُڑ استعمال کر کے خون سے متعلق بیماریوں سے محفوظ رہ سکتے ہیں- Cure Bloating with Gur گُڑ پیٹ میں بننے والی گیس اور آنتوں کے علاج کے لیے انتہائی مفید ہے- ہر کھانے کے بعد گُڑ کا صرف ایک چھوٹا سا ٹکڑا کھانے سے آپ اپھارہ پن اور گیس سے بچ سکتے ہیں- Treats Headache and Migraine گُڑ آئرن٬ میگنیشیم اور پوٹاشیم پر مشتمل ہوتا ہے جو کہ سر درد کے خلاف مزاحمت کرتے ہیں- اور اگر سر میں درد ہو بھی رہا ہو تو گُڑ کی وجہ سے درد میں کمی واقع ہوسکتی ہے- Get Rid of Hiccups ہچکیاں آنے کی صورت میں ایک چمچ پر گُڑ اور تھوڑا سا ادرک رکھ کر نیم گرم پانی کے ساتھ کھانے سے آپ کا گلا صاف ہوجاتا ہے اور ہچکیاں رک جاتی ہیں- Beautifies Your Hair خوبصورت بالوں کے لیے گُڑ٬ ملتانی مٹی اور دہی ملا کر سر میں لگائیں- اس طرح آپ کے بال لمبے٬ موٹے اور چمکدار ہوجائیں گے- Helps with Anemia گُڑ ایسے افراد کے لیے انتہائی فائدہ مند ہے جن میں خون کی کمی پائی جاتی ہے- گُڑ میں موجود آئرن کی بھرپور مقدار خون میں ہیموگلوبین کی سطح کو بلند کرتی ہے اور ساتھ ہی لال خلیے بھی پیدا کرتی ہے- Relief from Respiratory Problems گُڑ نظامِ تنفس کے مسائل بچاتا ہے- یہ جسم کے درجہ حرارت کو درست رکھتا ہے اور اسی اینٹی الرجی کی خصوصیات پھیپھڑوں اور گلے کی بیماریاں لاحق ہونے سے بچاتی ہیں- Boosts Immunity گُڑ کا استعمال آپ کے مدافعتی نظام کو مضبوط بناتا ہے اور یوں آپ جسمانی طور پر تندرست رہتے ہیں- گُڑ میں پایا جانے والے چند معدنیات بلخصوص زنک زہریلے مادوں کے خلاف مزاحمت کرتا ہے - Gur Boosts Energy اگر آپ کو تھکن محسوس ہو رہی ہو تو تھوڑا سا گُڑ کھا لیں- یہ آپ کی توانائی میں اضافہ کردے گا اور وہ بھی کسی قسم کے مضر اثرات مرتب کے بغیر- ذیابیطس کے مریض بھی گُڑ کی تھوڑی سی مقدار استعمال کر سکتے ہیں کیونکہ یہ گلوکوز کی سطح میں اضافہ نہیں کرتا- Gur for Weight Loss گُڑ وزن میں کمی لانے کے لیے بھی استعمال کیا جاسکتا ہے- گُڑ میں موجود وٹامن اور معدنیات کی بھاری مقدار انسان کے نظامِ ہضم کو بہترین رکھتے ہیں اور یوں انسان صحت مند رہتا ہے-